by Interioriza

​19 perfekte hout kaste om jou te inspireer

Johannes van Graan Johannes van Graan
Google+
Loading admin actions …

Gewoonlik wanneer ons aan slaapkamers dink, dink ons aan ‘n bed, tafeltjies, ligte en kaste. Maar hoe gereeld gebeur dit dat daardie kaste meer as genoeg spasie bied vir al daardie klere, skoene en ander bykomstighede? 

Gelukkig is daar ‘n ding soos ‘opsies’, wat beteken maak nie saak hoe klein jou slaapkamer (of enige ander kamer in jou huis) is nie, jy sal definitief die regte kas kan kry in terme van grootte, styl en kleur.

Kom ons bekyk bietjie 19 voorbeelde van hout kaste wat in enige kamer (nie net die slaapkamer) kan pas – dalk kan jy hier ‘n paar idees kry vir jou eie huis?

1. Hoe oop en bloot is hierdie skepping, wat beteken mens hoef nie jou hele kas om te keer opsoek na daardie spesifieke hemp, skoen, kous of watookal jy benodig nie?

2. ‘n Groot voordeel van hout is dat dit in enige kleur en styl opgetower kan word, soos hierdie donker, moderne skepping bewys.

3. Vir ‘n baie klein vertrek kan skuifdeure perfek uitwerk, aangesien hulle minder spasie gebruik om oop en toe te maak.

4. Inbou kaste wat ‘n hele muur toestaan is natuurlik ‘n droom, maar dan moet mens genoeg spasie in die res van die vertrek hê vir die ander noodsaaklikhede.

5. Ons is mal oor hierdie unieke idee, wat laaie en kaste in ‘n “two-tone” ontwerp aanbied.

6. Dink jy nie hierdie ontwerp kan perfek vir ‘n kinderkamer werk nie?

7. Die voordeel van ‘n losstaande kas is dat jy dit kan rondskuif om jou kamer se spasie (en uitleg) te verander soos jy wil.

8. As spesiaal-gemaakte kaste ‘n moontlikheid is, stel ons dit definitief voor, aangesien die eindresultaat perfek in jou kamer se spasie gaan pas.

minimalistic Dressing room by La Fustería - Carpinteros
La Fustería—Carpinteros

Clóset sencillo en laminado Wengué.

La Fustería - Carpinteros

9. Hierdie voorbeeld bied ekstra stoorplek bo op die kas aan. Maak net seker jy hou daardie spasie netjies en skoon!

10. Met hierdie unieke rooi ontwerp wat saamsmelt met die hout vloer het mens amper geen ander kleure in die kamer nodig nie.

11. Wat van hierdie skoon styl, wat heel oulike spasies en gaatjies aanbied vir ekstra bykomstighede soos tasse, boeke ens?

12. ‘n Inloop kas is nou regtig iets om van te droom – maak net seker jy los genoeg spasie vir ‘n stoel, spieël en om gemaklik rond te beweeg.

13. ‘n Klerekas in die badkamer, alhoewel nie alledaags nie, is nog steeds ‘n blink plan.

14. Wat van bietjie helder kleur in jou kas se binnekant?

15. Hierdie “yin yang” styl met sy donker en ligte kleure is ‘n perfekte voorbeeld van hoe om ‘n kas modern en elegant te laat lyk.

16. Ingeboude kaste wat in die mure is? Dis mos nou hoe jy ekstra spasie optower!

17. Indien jy spasie vir ‘n lekker groot kas het, stel ons voor jy gaan met oop (sonder deure) en toe dele (met deure) vir bietjie verskeidenheid.

18. Aangesien hierdie kas sy eie vertrek het, is dit nie juis nodig om al daardie klere agter deure weg te steek nie. Sorg net dat dit netjies bly.

minimalistic Dressing room by homelatte
homelatte

[홈라떼] 경기도 광주 신혼부부의 15평 전세집 홈스타일링

homelatte

19. Kyk bietjie hoe sjiek en elegant hierdie ontwerp lyk met sy lyne en monochroom kleure.

Watse kas sal jou styl netjies pas?
modern Houses by Casas inHAUS

Need help with your home project? Get in touch!

Discover home inspiration!