Your browser is out-of-date.
To get a better experience with our home designs, please download other browsers for free. Just click on the icon!
زیادہ تر ہم سیڑھیوں کے ابتدائی حصے کو خالی چھوڑ دیتے ہیں۔ اس طرح یہ ایک عجیب منظر پیش کرتی ہیں۔ اگر آپ اس جگہ پر چھوٹی چھوٹی چیزیں رکھ سکتے ہیں جو کہ ایک دم اس جگہ کی خوبصورتی ابھار دیں گی۔
اس بات کا خیال رکھیں کہ یہ چیزیں سیڑھیوں کے رنگ اور انداز سے ملتی جلتی ہونی چاہیں۔
سیڑھیوں کو اندھیرا کرنے کے بجاۓ روشن کریں۔ اس طرح پورے گھر کی خوبصورتی میں اضافہ ہو گا اور ان پر چڑھتے وقت ہر کوئی بہت اچھا محسوس کرے گا۔ ان کے ساتھ احتیاط سے چنے گۓ فرش اور فانوس کا اضافہ ہو جاۓ تو کیا ہی بات ہے۔
اس انداز کی سیڑھیاں ان گھروں کے لیے بہترین ہیں جدھر قدرتی روشنی کم آتی ہو۔
سیڑھیاں آپ کے گھر کی کافی جگہ گھیرتی ہیں تو کیوں نہ اس جگہ کو استعمال کیا جاۓ۔ خاص طور پر چھوٹے اپارٹمنٹس جدھر جگہ بہت کم ہوتی ہے۔ سیڑھی کے ہر قدم کے نچلے حصے کو ایک شیلف کے طور پر استعمال کیا جا سکتا ہے۔ یہ آپ کی کتابیں رکھنے کے بھی کام آ سکتی ہیں.
سیڑھیاں ضروری نہیں کے سیدھی سادھی ریلنگ اور سٹیپ سے مل کر بنی ہوں۔ آپ ان میں مختلف انداز کے کٹاؤ لا کر انہیں مزید خوبصورت بنا سکتے ہیں۔
مگر اس طرح کی سیڑھی بنانے سے پہلے اپنی ضروریات کے بارے میں سوچ لیں۔ اگر آپ کے پاس پالتو جانور ہیں یا گھر میں بچے موجود ہیں تو اس صورت میں آپ کو مضبوط اور سیدھی سیڑھیوں کی ضرورت ہو گی تاکہ آپ کے پیارے محفوظ رہیں.
گولائی میں موجود چکر دار سیڑھیاں ہمیشہ سے ہی مقبول رہی ہیں اور دوسرا یا جگہ بھی کم گھیرتی ہیں۔ یہ آپ کے گھر کی خوبصورتی میں کئی گنا اضافہ کر سکتی ہیں
تصویر میں دیکھیں یہ لٹکا ہوا فانوس کس قدر حسین لگ رہا ہے۔ روشنیوں کے اضافے کے علاوہ آپ ادھر تصویر بھی آویزاں کر سکتے ہیں۔
ہو لوگ جو اپنے گھر میں جدت لانا چاہتے ہیں، ان کے لیے اس طرح کی سیڑھیاں بہترین ہیں یہ سیڑھیاں چھٹی جگہوں کے لیے بہت اچھی ثابت ہوتی ہیں کیوں کہ یہ جگہ کو کشادہ اور روشن بناتی ہیں۔
گھر کے اندر پھولوں اور پودوں کی موجودگی سے نہ صرف گھرکو تازگی بھرا احساس ملتا ہے بلکہ یہ آپ کے گھر کی خوبصورتی میں بھی اضافہ کرتے ہیں.
ایک منفرد اور دلچسپ انداز کی ریلنگ آپ کے گھر کی آرائش میں اچھا اضافہ ثابت ہو گی۔ تصویر میں دکھائی گئی ریلنگ اس بات کی گواہی دیتی نظر آ رہی ہے۔
اپنی سیڑھیوں سے فائدہ اٹھائیں اور ادھر خوشنما فانوس یا چھوٹے مگر دلکش انداز کے بلب کا اضافہ کر دیں۔ آپ کے مہمان سیڑھیاں چڑھتے وقت حیران رہ جائیں گے۔
یہ تصویر ایک اور اچھی مثال ہے کہ آپ کس طرح اپنی سیڑھیوں کو پودوں کے اضافے سے جدت اور تازگی بھرا انداز دے سکتے ہیں.
شوخ رنگوں کی پلاسٹک کو ریلنگ کے گرد لپیٹنے سے بھی ایک بہت منفرد انداز حاصل کیا جا سکتا ہے.
